طال إنتــظاري في غــــيابك ولاجـــيت

طال إنتــظاري في غــــيابك ولاجـــيت
أنا دخيلك لايطوّل غيابك

ياما على شوفك وقـــربك تمــــــــنيت
والشوق ياخذني ليا حد بابك

شوقنّي إرشاش المــــــطر ثم مــريت
غصناً تلطف بالمطر من سحابك

غصناً لظاه القيض يومأ أنك أقــفيت
وأبطيت ياغيم المطر وش بطابك

لاتعتــذر مني تراك أنت ما أخـــــطيت
أعتب وحبي لك محبة عتابك

وأشره علي إن كانني لغيرك أبـــديت
بوح الغرام اللي بدربي بدابك

ولاتعتذر شفني لــــــــشوفك تحريت
بس أعتذر هوليش؟ طول غيابك

ثم أدفني جرحك وقـــــولي تناسيت
ثم أعبري قلبي بروضة عذابك

ثم أكــــــــــتبي حرفك بروضاً تعديت
ثمّاً وثم وثم ننسى غيابك

وأجيك بالحــــــــــروه وأنا لك تعنيت
رجلاً طواه البعد في درب بابك

مستــــشفقاً فيك الغلا وأستشفيت
نسمة عبيراً من نسيماً شجابك

وليا أجتمع فيك الرعد وأستجهيت
أمطر على غصن الضما من سحابك

ثم أفخري بالــــشعر بيتاً ورى بيت
من شاعراً دنياه حضرة جنابك